Liqeni Uzungol në Turqi mbulohet nga akulli, ofron pamje mahnitëse

Një pjesë e madhe e sipërfaqes së liqenit Uzungol, në rrethin Çaykara të Trabzonit dhe një nga destinacionet turistike më të vizituara në rajonin lindor të Detit të Zi, është ngrirë për shkak të motit të ftohtë, raporton Anadolu.

Moti i ftohtë dhe bora në lartësitë më të mëdha të rajonit kanë prekur edhe liqenin Uzungol, një qendër turistike me famë botërore.

Derisa temperatura e ajrit ra nën zero gjatë natës, një pjesë e madhe e sipërfaqes së liqenit ngriu. Liqeni, i rrethuar nga bora dhe i mbuluar me akull, tërhoqi vëmendjen e entuziastëve të fotografisë në veçanti.

Uzungoli, i cili njihet për bukurinë natyrore, vazhdon të kontribuojë në turizmin rajonal me pamjet e tij mahnitëse edhe në dimër.

Uzungoli dhe pyjet përreth të mbuluara me borë u filmuan me dron.