Thaçi sërish kërkon nga Kurti emrin e mandatarit

Presidenti i Republikës së Kosovës, Hashim Thaçi, përmes një letre ka kërkuar përgjigje nga kryetari i Lëvizjes Vetëvendosje (LVV), Albin Kurti, nëse pranon apo refuzon të propozojë emrin e mandatarit të qeverisë së ardhshme, transmeton Anadolu Agency (AA).

Në letër, presidenti Thaçi ka rikujtuar se sipas rezultateve të çertifikuara të Komisionit Qendror të Zgjedhjeve më 27 nëntor të vitit të kaluar, LVV është partia që fitoi shumicën e ulëseve në Kuvendin e Kosovës dhe se ai pret përgjigjen e Albin Kurtit, siç ishte premtuar në mbledhjen këshilluese të mbajtur më 6 janar.

Thaçi thekson se pas funksionalizimit të Kuvendit të Republikës së Kosovës, qytetarët me të drejtë e presin funksionalizimin e Qeverisë së Republikës së Kosovës dhe presin nga ai si president të dekretojë kandidatin e propozuar për kryeministër.

“Si president i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues, që qytetarët e Republikës së Kosovës ta kenë sa më shpejtë qeverinë e tyre. Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin për kryeministër”, thuhet në letrën që Thaçi i ka shkruar Kurtit.

“Duhet pasur parasysh edhe Pikën 87 të Aktgjykimit të Gjykatës Kushtetuese, e cila vërën ‘se nuk përjashtohet që partia ose koalicioni në fjalë do të refuzojë të marrë mandatin’. Në cilin do rast, të pranimit ose refuzimit të propozimit të kandidatit për kryeministër, luteni që të më njoftoni sa më shpejtë, sipas premtimit tuaj nga takimi ynë, në mënyrë që unë të ndërmarrë hapat e përcaktuar me Kushtetutë dhe të dekretoj kandidatin për kryeministër për të formuar Qeverinë e Republikës së Kosovës”, thuhet gjithashtu në letër.

Të mërkurën kaloi afati 48-orësh, të cilin presidenti Thaçi ia dha liderit të LVV-së për propozimin e mandatarit, megjithëse ekspertët e Kushtetutës sl Kosovës thonë se presidenti i Kosovës nuk ka autorizim për të përcaktuar afate të rrepta për emërimin e kandidatit.

Kujtojmë se udhëheqësit e LVV-së dhe Lidhjes Demokratike të Kosovës (LDK), Albin Kurti dhe Isa Mustafa, mbrëmë nuk arritën marrëveshje për koalicion. Ishte dita e tretë me radhë që delegacionet e dy partive u takuan pas dyerve të mbyllura, ndërsa nuk ka ndonjë njoftim se liderët e dy partive mund të takohen sot.

Bisedimet midis dy partive të cilat u radhitën në dy vendet e para në zgjedhjet e parakohshme parlamentare të mbajtura më 6 tetor të vitit të kaluar, kanë ngecur në ndarjen e dikastereve. Paraprakisht, u arrit marrëveshje për sinkronizimin e programit të qeverisë së ardhshme.

Në ndërkohë, deri sa nuk ka marrëveshje për koalicion qeverisës, Glauk Konjufca nga LVV u zgjodh kryetar i Kuvendit të Kosovës më 26 dhjetor, për të cilin votuan edhe deputetët e LDK-së.

Vetë-përcaktimi u fitua në zgjedhje nga 29 dhe LDK nga 28 deputetë nga gjithsej 120 deputetë të Kuvendit. Zgjedhja e Qeverisë së Kosovës kërkon një shumicë të thjeshtë ose 61 vota, kështu që të dy partitë, kur arrijnë një marrëveshje, mbështeten në votat e deputetëve të pakicave, jo-serbe.

Zgjedhjet e jashtëzakonshme parlamentare në Kosovë u mbajtën më 6 tetor, pas dorëheqjes së kryeministrit Ramush Haradinaj i cili mori ftesë për në Hagë.

LVV në zgjedhje fitoi 29 ulëse në Kuvend ndërsa LDK 28, nga gjithsej 120 deputetë të Kuvendit. Zgjedhja e Qeverisë së Kosovës kërkon një shumicë të thjeshtë ose 61 vota, kështu që të dy partitë për të arritur marrëveshje mbështeten në votat e deputetëve të pakicave.