Policia ndërhyn në protestën e studentëve pro-palestinezë në Berlin

Policia ndërhyri në një demonstratë në mbështetje të palestinezëve të organizuar nga një grup studentësh në Berlin të mërkurën, raporton Anadolu.

Studentët protestuan në ndërtesën e Fakultetit të Shkencave Sociale të Universitetit Humboldt në rrethin Mitte, duke varur një pankartë që shkruante "Palestina e lirë" në pjesën e jashtme të saj.

Oficerët e zbatimit të ligjit hynë brenda ndërsa studentët brohoritnin parulla në favor të Palestinës, duke arrestuar shumë prej demonstruesve.

Më vonë ata lejuan grupin të demonstronte rreth 100 metra nga ndërtesa.

Presidentja e Universitetit Humboldt, Julia von Blumenthal vizitoi godinën e fakultetit për të negociuar me studentët.

Kërkesat e studentëve nga universiteti përfshijnë mosevakuimin e godinës, mbështetjen e protestës së studentëve dhe lëshimin e një deklarate që administrata e universitetit pranon se po ndodh një gjenocid në Gaza.

Administrata kërkon që studentët të largohen vetë nga godina.