Në Köln të Gjermanisë hapet panairi i lojërave digjitale "Gamescom 2024"

Në qytetin Köln të Gjermanisë është hapur panairi i lojërave digjitale "Gamescom 2024", panairi më i madh në botë i fushës në fjalë, raporton Anadolu.

Panairi u hap në Qendrën e Panaireve të Kölnit, ndërsa marrin pjesë markat më të famshme të lojërave digjitale në botë.

Përveç vendeve të tjera, në panair përfaqësohet edhe Türkiye nga kompanitë lokale.

Pritet që 350 mijë njerëz të vizitojnë panairin "Gamescom 2024", i cili tërheq çdo vit në Köln qindra mijëra adhurues të lojërave nga e gjithë bota.

Panairi i lojërave digjitale "Gamescom 2024", ku marrin pjesë 1.400 pjesëmarrës nga 66 vende, do të jetë i hapur për vizitorët deri të dielën, më 25 gusht.