Drogba në fund të sezonit i jep fund karrierës

PHEONIX (AA) - Didier Drogba, i cili luan për ekipin amerikan të ligës së dytë Phoenix Rising, përsëriti se do të përfundojë karrierën e tij të futbollit deri në fund të sezonit, raporton Anadolu Agency (AA).

Drogba kohët e fundit festoi ditëlindjen e tij të 40-të dhe mendon se është koha për t'i dhënë fund karrierës.

"Është një kënaqësi e madhe për mua të luaj. Me të vërtetë kënaqem. Më pëlqen roli i pronarit-lojtar. Jam i rrethuar nga lojtarë të rinj dhe më pëlqen t'ju përcjell njohuritë. Por ky sezon është i fundit. Unë jam 40 vjeç, është koha", ka thënë Drogba, i cili që në nëntorin e vitit të kaluar njoftoi largimin nga fusha e blertë.

Drogba në karrierën e tij ka luajtur për Montreal Impact, Chelsea, Galatasaray, Shanghai Shenhua, Marseille dhe Guingamp.