Gianluigi Buffon rikthehet tek Parma

Ish portieri i Italisë, Gianluigi Buffon sot i është ribashkuar Parmës që ndodhet në kategorinë e dytë, pas më shumë se një çerek shekulli që kur filloi karrierën e tij legjendare në këtë ekip, transmeton Anadolu Agency (AA).

Parma postoi një video të Buffon-it në rrjetet sociale që tregonte fanellën e tij të vjetër të Parmës dhe një veshje të supermenit në një nga golat në stadiumin "Ennio Tardini".

"U ktheva", tha Buffon.

43-vjeçari Buffon u largua nga Juventusi ku qëndroi si rezervë e Wojciech Szczesny.

Parma nuk dha menjëherë detaje rreth kontratës.

Buffon fillimisht provoi lavdinë ndërkombëtare me Parmën duke ndihmuar ekipin të fitonte Kupën e UEFA-së në vitin 1999.

Ai ishte një nga lojtarët kryesorë në drejtimin e Italisë për titullin e Kupës së Botës në vitin 2006 dhe fitoi tituj të shumtë me Juventusin.