Hidhet shorti për çerekfinalet në Ligën e Kampionëve

Ceremonia e hedhjes së shortit në Ligën e Kampionëve për çerekfinalet dhe gjysmëfinalet u mbajt sot në selinë e UEFA-s në Nyon të Zvicrës, raporton Anadolu Agency (AA).

Dy ekipe nga Anglia, Tottenham Hotspur dhe Manchester City do të përballen në çerekfinale.

Pasi eliminoi Real Madridin në raundin paraprak, Ajax do të përballet me Juventusin dhe Cristiano Ronaldon.

Messi dhe Barcelona do të kenë përballë Manchester Unitedin, i cili u kualifikua pas përmbysjes së rezultatit kundër Paris Saint Germain.

Ekipi tjetër nga Anglia, Liverpool, do të përballet me Porton, që eliminoi ekipin e Romës në raundin paraprak.

Shorti për çerekfinalet është si vijon:

Ajax (Holandë) - Juventus (Itali)

Liverpool (Angli) - Porto (Portugali)

Tottenham Hotspur (Angli) - Manchester City (Angli)

Barcelona (Spanjë) - Manchester United (Angli)

Shorti për gjysmëfinalet është si vijon:

Tottenham Hotspur - Manchester City / Ajax - Juventus

Barcelona - Manchester United / Liverpool - Porto

Janë caktuar edhe datat e ndeshjeve:

9/10 prill: çerekfinalet, ndeshja e parë

16/17 prill: çerekfinalet, ndeshja e dytë

30 prill/1 maj: gjysmëfinalet, ndeshja e parë

7/8 maj: gjysmëfinalet, ndeshja e dytë

1 qershor: finalja në stadiumin Estadio Metropolitano në Madrid, Spanjë

Të gjitha ndeshjet do të zhvillohen nga ora 20:00, sipas kohës në Evropën Qendrore.