SHKUP (AA) - Në Shkup po mbahet Kampionati i 27-të Evropian në Sportin Kendo, në organizim të Maqedonisë, ku marrin pjesë një numër i madh i sportistëve nga 37 shtete, raporton Anadolu Agency (AA).

Në deklaratën e tij për gazetarin e AA-së kryetari i Shoqatës për Kendo në Turqi Mert Ozyilmaz, duke treguar se sporti Kendo në Turqi ka filluar individualisht në vitet e 2000, tha se me rritjen e pjesëmarrësve kanë formuar një shoqatë. Ai duke treguar se tashmë kanë 150 sportistë aktiv, theksoi se e përfaqësojnë Turqinë në turne evropiane dhe botërore.

Nga ana tjetër menaxheri i ekipit të Turqisë Mehmet Hosgoz theksoi se 14 vite merret me këtë sport.

Ai tha se dje kanë patur ndeshjet tek femrat. Hosgoz informoi se sot kanë ndeshjet e ekipit te meshkujt, ndërsa në ditën e nesërme ndeshjet individuale tek femrat dhe meshkujt.

Hosgoz tha se përpiqen ta përfaqësojnë Turqinë në mënyrën më të mirë. "Ky është kampionati i 8-ë evropian në të cilin morëm pjesë. Gjithashtu morëm pjesë në kampionatin botëror të vitit 2015. Kemi fituar edhe vendin e tretë në kampionatin e Ballkanit", tha ai.

Ndeshjet e djeshme të ekipeve junior të Kampionatit Evropian u zhvilluan dje, ku Italia tek meshkujt dhe Franca te femrat ishte fituese.

Maqedoninë në këtë kampionat e përfaqësojnë 6 meshkuj dhe një femër. Ndërsa nga Ballkani marrin pjesë: Bullgaria, Kroacia, Mali i Zi, Serbia, Sllovenia.

Federata Ndërkombëtare e Kendo-s e cila u themelua në vitin 1970, është një art ushtarak modern japonez ku përdoren shpata nga bima bamboo (shinai) dhe armaturë mbrojtëse (bogu) e themeluar shekuj më parë në Japoni.