Turqi, neutralizohen 2 terroristë në juglindje të vendit

Forcat e armatosura të Turqisë kanë neutralizuar 2 terroristë, njëri prej të cilëve ishte në kërkim, për kapjen e të cilit ishin ofruar para si shpërblim, gjatë një operacioni në provincën juglindore të vendit Sirnak, transmeton Anadolu Agency (AA).

Këta terroristë u "neutralizuan" më 22 shtator gjatë operacionit "Eren-13" në qarkun e provincës Bestler-Dereler, thuhet sot në deklaratën e Ministrisë së Brendshme.

Komandot provinciale të xhandarmërisë dhe njësitë e forcave speciale, me mbështetjen e Komandës së Dronëve të Armatosur të Xhandarmërisë dhe Forcave Ajrore, kryen operacionin anti-terrorist, thuhet në deklaratë.

Autoritetet turke shpesh përdorin fjalën "neutralizim" në deklaratat e tyre për të nënkuptuar se terroristët në fjalë janë dorëzuar, vrarë ose janë kapur.

Mehdi Uysal, me emrin e koduar Zagros Cudi, ishte një nga terroristët që veproi si i ashtuquajturi person përgjegjës për aktivitetet e grupit terrorist në provincën Sirnak. Ai ishte në listën e të kërkuarve të Ministrisë së Brendshme në kategorinë gri, me një shpërblim deri në 500 mijë lira turke (rreth 56.300 dollarë).

Lista e të kërkuarve të Turqisë ndahet në 5 kategori të ndara me ngjyra, kategoria e kuqe është për personat më të kërkuar, e ndjekur nga e kaltra, e gjelbra, portokalli dhe gri.

Terroristi ishte i përfshirë në akte terroriste në provincën Sirnak në vitet 2015-2016, thuhet në deklaratë.

"Operacionet që synojnë sigurimin e paqes dhe sigurisë së popullit tonë në rajonin tonë do të vazhdojnë pa ndërprerje, me mbështetjen e njerëzve tanë, në një mënyrë edhe më të fortë dhe më të vendosur", thuhet më tej.

Operacioni "Eren", i emëruar sipas Eren Bulbul, një 15-vjeçar i vrarë nga PKK-ja terroriste më 11 gusht 2017, filloi në janar për të eliminuar terrorizmin në vend.

Në fushatën e saj terroriste më shumë se 35-vjeçare kundër Turqisë, PKK e listuar si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e mbi 40 mijë personave, përfshirë gra, fëmijë dhe foshnja.