Turqi, zhytësit shënojnë 98 vjetorin e AA-së nën ujë

ESKİŞEHİR (AA) - Zhytësit në një qytet qendror të Turqisë festuan nën ujë në grykën e një lumi për të shënuar 98 vjetorin e Anadolu Agency (AA).

Zhytësit në Çifteler, qytet në provincën qendrore Eskişehir, shpalosën flamurin turk dhe një flamur me logon e AA-së nën ujë në grykën e lumit të tretë më të madh të Turqisë, që ndodhet në burimin Sakaryabaşı.

Duke filluar në Çifteler, lumi Sakarya dredhon 824 kilometra kryesisht drejt veriut deri sa të arrijë deri në Detin e Zi.

Një instruktor i zhytjes nga Klubi i Zhytjes Çifteler tha për AA se agjencia ka lindur nga Anadolli, ashtu sikurse lumi Sakarya.

"AA është 98 vjeç, kështu që ne festuam përvjetorin e saj me punonjësit e AA-së", tha Ömer Faruk Özen.

"Ashtu sikurse ky vend ushqen lumin Sakarya, edhe AA është burim i lajmeve në media", shtoi ai.