Li Wanê mihrîcana kaşûnê ya rengîn

VAN

Li Çaldirana navçeya Wanê "Mihrîcana Kaşûnê ya 2emîn" hat lidarxistin.

Mihrîcana Kaşûnê ya 2emîn ji hêla Şaredariya Çaldirana va hat organîzekirin. Ji bajar û navçeyên derdûdorê gelek welatî ji bo kêfa kaşûnê li Çaldiranê kom bûn.

Tîmên kaşûnê bi meşaleyan hatin qadê û leyîstikên folklorîk hatin leyîstin. Hin welatî jî beşdarî govendê bûn. Di mihrîcanê da dîmenên rengîn derketin holê.

Kesên ku bi poşetên naylon li ser berfê xwe şiqitandin û ser ketin xelat hildan.

- "Em ê di spora kaşûn û patena cemedê da werzişkarên neteweyî derxin"

Wekîlê Şaredar û Qaymeqamê Çaldiranê Tekîn Dundar daxuyanî da nûçegihanan û got ku ew ê ji bo turîzma herêmê dixebitin û wiha axivî:

"Em dixwazin li Tirkiyeyê di turîzma kaşûnê da bibin navendeke girîng. Ev der piranî bi xeberên serma û seqemê tê zanîn. Lê ji vir şûn da înşallah em ê bi xeberên ava termal û çalakiyên li navenda kaşûnê jî werin rojevê. Êdî zarokên me li malê rûnanin. Em ê di spora kaşûn û patena cemedê da werzişkarên neteweyî derxin."