22 Adar 2017•Rojanekirin: 23 Adar 2017
NETEWEYÊN YEKBÛYÎ
Fona Alîkariya Zarokan a NYyê (UNICEF) hişyarî da ku ji ber ku ava vexwarinê her ku diçe kêm dibe di sala 2040an de li giştiyê dinyayê ji 4 zarokan yek ango 600 milyon zarok dê bi nexweşiyê û mirinê re rû bi rû bimînin.
UNICEF, di rapora xwe ya "Roja Avê ya Cîhanê" de ragihand ku ji ber avhewaya diguhere, hişkayiya her ku diçe zêde dibe û şerên li çaraliyê dinyayê, ava vexwarinê her ku diçe kêm dibe. Ji ber ku av kêm dibe zarok di talûkê de ne.
Li gorî raporê her sal hewcehiya avê her ku diçe zêde dibe lê li hember ve hewcehiyê çavkaniyên ava vexwarinê kêm dibin. Di nava vê rewşê de niha li 36 welatan xelaya avê heye. Li dinyayê her roj ji ber ku ava paqij nabînin ji 800î zêdetir zarokên 5 salî ji ber zikêşê dimirin.
Ji ber ku ava vexwarinê her ku diçe kêm dibe heta sala 2040an li giştiyê dinyayê ji 4 zarokan yek ango 600 milyon zarok ji ber tunebûna avê dê bi nexweşî û mirinê re rû bi rû bimînin.
