Artêşa Îsraîlê raserî Kampa Penaberan a Cenînê ya li Şerîaya Rojava kir: 6 birîndar

Hat ragihandin ku artêşa Îsraîlê raserî Kampa Penaberan a Cenînê ya li bakurê Şerîaya Rojava ya dagirkirî kir û 6 Filistînî birîndar bûn.

Li gor agahiyên ku ji şahidan hatin hildan hêzên Îsraîlê raserî Kampa Penaberên Filistînî a Cenînê ya li bakurê Şerîaya Rojava kir.

Şahidan ragihand ku di raserê da di navbera eskerên Îsraîlê û Filistîniyan da pevçûn derket û diyar kirin ku nîşangirên Îsraîlê li ser banên malên li Cenînê bi cî bûn.

Şahidan da zanîn ku firokeya şer a artêşa Îsraîlê jî gule barand ser kampê û eskerên Îsraîlê jî maleke li kampê dorpêç kirin.

Ji hêla din va di daxuyaniya nivîskî ya Heyva Sor a Filistînê da hat diyarkirin ku eskerên Îsraîlê raserî Kampa Penaberên Filistînî ya Cenînê kir û herî kêm 6 Filistînî bi guleya rasteqîn birîndar bûn.