Abdullah Tel
13 Berfanbar 2019•Rojanekirin: 14 Berfanbar 2019
Li Cezayirê Ebdulmecîd Tebbûnê serokwezîrê berê di tura ewil a hilbijartina serokomariyê da ji sedî 58ên rayan wergirt û wek serokomarê nû hat hilbijartin.
Serokê Îdareya Hilbijartina Neteweyî ya Serbixwe Mihemed Şerefî li paytextê civîna çapemeniyê li dar xist û ragihand ku li nav welêt ji sedî 41,1 û li dervayê welêt jî ji sedî 39,8ên dengdêran di hilbijartinê da ray avêtin.
Şerefî destnîşan kir ku Ebdulmecîd Tebbûnê serokwezîrê berê di tura ewil a hilbijartina serokomariyê da 4 milyon û 945 hezar rayên ji sedî 58an pêk tê, wergirt û wek serokomarê nû hat hilbijartin.
Di hilbijartina serokomariyê da Ebdulqadir bîn Karîne ji sedî 17yê rayan hilda bû duyemîn û ji serokwezîrê berê Elî bîn Flîs jî ji sedî 10,5ê rayan hilda û bû sêyemîn.
Li Cezayirê duh di nav protestoyên ku ji seranserê salê vir va ji bo veguherîneke mezin tên kirin da hilbijartina serokomariyê hatibû kirin.
