Etnaya çiyayê agirîn sotikên agir direşîne

Etnaya ji çiyayên agirîn ên li başûrê Îtalyayê careke din dest bi reşandina agir û arî kir.

Etnaya çiyayê agirîn ê ku li Girava Sîcîlyayê ye û 3 hezar û 326 metre bilinde ji 16ê Sibatê vir va dengê hirme gurm jê tê. Îro jî dengên ji çiyê hatin zêdetir bûn.

Enstîtuya Volkanolojî û Jeofîzîk a Neteweyî ya Îtalyayê (INGV) ragihand ku serê sibehê li gorî saeta herêmî di 08.40î da di roja 25an da teqîna 12mîn a li çiyê qewimî.

Hat dîtin ku piştî teqînê ji çiyê sotikên agir û arî dipejiqin û li asîman jî ewrên ji ber ariyê çêdibin.

Bi ser cî û warên li palên çiyê bûn da jî agir û arî barî.