Ji ber gefên wiha em ji rêya xwe venagerin"

ANKARA

Serokomar Recep Tayyîp Erdogan û Serokê Konseya Serokatiya Dewletê ya Bosna Hersekê Bakir Îzzetbegovîc hatin bal hev.

Erdogan û Îzzetbegovîc piştî hevdîtina bi heyetan û hevdîtina rû bi rû civîneke çapemeniyê li dar xistin.

- "Rojeveke veşartî ya welatê me tune"

Erdogan di axaftina xwe ya li vir wiha got: "Ji bilî refah, yekîtî û pêşketina aboriyê ya Bosna Hersekê rojeveke veşartî ya welatê me tune û tu carê jî tunebû."

Serokomar Erdogan behsa FETOyê kir û wiha axivî: "FETOyê çiqlên xwe bi hemû perên civakê va alandiye û dixwaze mîna axtapotekî bijî. Ji bo têkoşîna di vê qadê da jî hewildan û xîreteke mezin pêwîst dike. Em li bendê ne ku pêkhateya FETOyê li Bosna Hersekê bi xebatên dualî va were jinavbirin. Di vê mijarê da deriyê me vekirî ne ku em hevkariyê bikin."

- "Ji ber gefên wiha em ji rêya xwe venagerin"

Erdogan der barê îdiaya di ziyareta Balkanan da sûîqesd de wiha got: "Ji MÎTê ev nûçe hat. Ji ber ku nûçe hat, ez li vir im. Ji ber gefên wiha em ji rêya xwe nevagerin. Heke bi hezaran mirovên ku ji cihên cuda yên Ewropayê ji bo serokekî bibînin hatine heke nikaribin hevdu bibînin ev ji bo min tiştekî nebaş e. Emê bi wan re li vir hevdu bibînin. Plana me planeke pir cuda ye. Dema em derketin li ser rê bêyî ku emê dev jê berdin em dewam bikin, wek 15ê tirmehê."