Putîn bi Mîrê Qeterê Al Sanî û Serokomarê Misrê Sîsî re axivî

MOSKOVA

Serokê Dewleta Rûsyayê Vladîmîr Putîn û Mîrê Qeterê Şex Temîm bîn Hamad Al Sanî li ser telefonê der barê Qeterê û qeyrana navbera hin welatên ereb de axivîn.

Kremlînê wiha daxuyand: "Di axaftinê de Vladîmîr Putîn destnîşan kir ku qeyran divê bi rêyên siyasî û dîplomatîk bê çareserkirin."

Hat gotin ku Putîn û Al Sanî li ser pêwendiyên herdu welatan ên aboriyê, bazirganiyê û veberhênanê axivîn.

- Putîn bi Serokomarê Misrê Sîsî re axivî

Ji bilî vê Putîn bi Serokomarê Misrê Ebdulfettah es-Sîsî re jî li ser telefonê axivî.

Hat diyarkirin ku Putîn û Sîsî li ser pêwendiyên herdu welatan, rewşa Rojhilata Navîn û Afrîkaya Başûr axivîn.