Qralîçeya Îngiltereyê Elizabetha 2yem bi Kovîd-19ê ket

Hat ragihandin ku testa Kovîd-19ê ya Qralîçeya Îngiltereyê Elizabetha 2yem pozîtîf derket.

Li gor daxuyaniya ku ji Qesra Buckinghamê hat dayîn, Qralîçe Elizabeth bi Kovîd-19ê ket û semptomên wê yên sermagirtinê hene.

Di daxuyaniyê da hat gotin ku Qralîçe plan dike ku vê hefteyê li Windsorê wezîfeyên xwe yên sivik bidomîne û wiha hat gotin, "(Qralîçe) wê alîkariya tibî hilde û hemû telîmatên guncaw bişopîne."

Prensê Welîehd ê Îngiltereyê Charles di 10ê sibatê da cara duyem bi Kovîd-19ê ket û paşê testa jina wî Camillaya Duşeya Cornwallê jî pozîtîf derketibû.