Mümin Altaş
15 Hezîran 2021•Rojanekirin: 15 Hezîran 2021
Serokomarê Tirkiyeyê Recep Tayyîp Erdogan ji bo ziyareta fermî bi balafira "TC-TUR"ê va hat Bakuya paytextê Azerbeycanê.
Yagup Eyyubovê Alîkarê Serokwezîrê Azerbeycanê, Xalef Xalefovê Alîkarê Wezîrê Karên Derva yê Azerbeycanê, Hazar Îbrahîmê Balyozê Enqereyê yê yê Azerbeycanê û Cahît Bagciyê Balyozê Bakuyê yê Tirkiyeyê Erdogan li Balafirgeha Baku Haydar Eliyevê pêşwazî kir.
Erdogan bi Emîne Erdogana jina xwe, Hulusî Akarê Wezîrê Parastina Neteweyî, Fahrettîn Altunê Serokê Ragihandinê, Omer Çelîkê Berdevkê AK Partiyê, Osman Aşkin Bakê Parlamenterê AK Partiyê yê Rîzeyê û Serokê Grûba Tirk a Asambleya Parlamenterên NATOyê ra hat Azerbeycanê.
Di çarçoveya ziyareta fermî da Erdogan wê here bajarê Şuşayê yê Qerebaxa Çiyayî ku artêşa Azerbeycanê 28 sal şûnda ji dagirkeriya Ermenistanê xelas kir, Erdogan wê li vê derê ji aliyê Îlham Eliyevê Serokomarê Azerbeycanê va bi merasima fermî were pêşwazîkirin.
Erdogan û Eliyev piştî hevdîtina yek û yek wê beşdarî merasima îmzekirina peymanan û civîna çapemeniyê ya hevpar bibin û li bajêr bigerin.
