Sûdanî: Me hemû pêkhateyên girêdayî PKKyê wekî qedexe îlan kir

Serokwezîrê Iraqê Mihemed Şiya es-Sûdanî diyar kir ku bi biryara ku li Konseya Ewlehiyê ya Neteweyî ya Iraqê derxistin va hemû pêkhateyên girêdayî PKKyê wek qedexe îlan kirin.

Sûdanî di hevpeyvîna xwe ya da nûçegihanê AAyê da pirs bersivandin û li ser pirsa "Di têkoşîna dijî hebûna li Iraqê ya PKKya rêxistina terorê da herdu welat hevkariyeke çawa dikin?" ev bersiv da:

"Melûm e ku PKK ji salên 80yî vir va li vir hebûna xwe didomîne û di kîjan şertan da heye, wekî rageşiya ku ev yek bû sedem û sedemên pevçûnan tê zanîn. Ji bo ku ev mijar ji binî va bê çareserkirin têra xwe hewl nehat dayîn. Em hember PKKyê jî hember aliyekî din jî di çarçoveya prensîbên hevgirtî da tevdigerin. Destûra me ya bingehîn qedexe dike ku axa Iraqê ji bo her komeke çekdar a ku welatên cîran hedef digire ra bibe qad. Ji ber vê jî ji hêla ewlehiya neteweyî va me bi biryara ku ji Konseya Ewlehiyê ya Neteweyî derxist va hemû pêkhateyên girêdayî PKKyê qedexe îlan kir. Digel vê me di mijara Kampa Mexmûrê da jî tevdîrên verastker hildan, me der barê niştecihên kampê da hemû nav, qeyt û agahiyên niştecihên kampê ji nû va rojane kir. Em vê helwestê ne tenê ji bo Tirkiyeyê dê ji bo hemû rêxistinên ku dê welatekî cîran hedef bigire tetbîq bikin. Girîng e em qebûl bikin ku tu feydeya mezinbûna pirsgirêkên ji mêj va tên ji bo feydeya tu kesî nîne. Ji bo berjewendiya tu kesî nîne ku destûrê bidin fealiyetên komên çekdar ên ku ewlehiya herêmê tehdîd dikin. Ji bo ku herêm pirsgirêkên siyasî, aborî û yên din çareser bike hewcehî bi îstiqrarê heye."