IGDIR
Mamoste Aliyê ji Îdirê neçû tetîlê di dewsa wê da li ser dîwarê korîdorên xwendingehê formulên ku zarok nikarin ji ber bikin nivîsî.
Alî Kayayê mamosteyê Dibistana Navîn a Mamosteyê Şehîd Şevkî Akgun a li Taxa Erhaciya Jêrê li ser dîwarên xwendingehê formulên matematîkê û lehengên xêzefîlman xêz kir.
Kaya mijar û formulên tirkî, matematîk, zanistên civakî û zanistên fenê yên ku xwendekar nikarin bi hêsanî ji ber bikin li ser dîwaran xêz kir û dibêje xwendekarê bi saya van xêzan hêsan hîn bibin.
Kayayê ku meh û nîvek e li ser dîwaran resman xêz dike daxuyanî da nûçegihanê AAyê û diyar kir ku 4 sal berê li xwendingehê dest bi kar kir, mamostetî ji bo wî çavkaniya rûmet û kêfxweşiyê ye.
Kaya got hem ji bo ku dîwar kaw xanê bikin hem jî xwendekar bi hêsanî dersên xwe fehm bikin tiştekî wiha kiriye û wiha axivî: "Em bi mamosteyên xwe şewirîn û me biryar da ku van dîmenan xêz bikin. Min formulên ku xwendekar nikarin bi hêsanî hîn bibin li ser dîwaran xêz kirin da ku bi kêrî wan werin. Xwendekar ew ê di navbera dersan da van bibînin û agahiyê di hişê wan da bimînin."
Kaya destnîşan kir ku li ser mijara bîra piralî lîsansa bilind kiriye û wiha pê da çû: "Em van agahiyan li xwendingeha xwe tetbîq dikin. Hedefa xebata me hînbûneke mayînde ye. Em xwendekaran teşwîqî hînbûnê dikin. Ez bi karê xwe kêfxweş dibim. Çaxê ku xwendekarên me vê bibînin û kêfxweş bibin ez ê jî kêfxweş bim."
Kaya got ku xwendekar, mamoste û dê û bavên xwendekaran xebatên wî diecibînin û got, "Xwendekar ku ji xebatên min tiştekê hîn dibin ez kêfxweş dibim."
- Meh û nîveke tetîla xwe ya havînê li xwendigehê derbas kir
Midûrê Xwendingehê Erkan Çigdem jî got ku di saya xebatên Alî Kaya da xwendingeha wan kaw xanê dike û feydeya agahiyên ku li ser dîwaran hatine xêzkirin ew ê bigihêje zarokan.
Çigdem diyar kir ku mamoste Alî meh û nîveke tetîla xwe ya havînê li xwendigehê derbas kir ku dîmen û formulan li ser dîwaran xêz bike.
