Li bajaroka Aydinlarê 5 hezar fîdanên çamê hatin danîn

Li bajaroka Aydinlarê (Kazoxa) ya Elcewaza navçeya Bidlîsê, 5 hezar fîdanên dara çamê hatin danîn.

Ji hêla Şaredariya Aydinlarê va di çarçoveya "Roja Dardanînê ya Neteweyî" da çalakiya fîdandanînê hat lidarxistin.

Bi beşdariya xwendekarên zanîngehê, 5 hezar fîdanên dara çamê hatin danîn.

Îbrahîm Ergunê Şaredarê Aydinlarê di çalakiyê da axivî û diyar kir ku parastina xwezayê, mezintirîn mîrat e ji bo nifşên paşerojê û wiha dewam kir:

"Me 5 hezar fîdanên dara çamê anîn bajaroka me. Em ê van fîdanan li ser kuçe û kolanên hemû taxên me daynin. Ez spasiya xwendekarên me yên ku beşdar bûn û her wiha kesên keda wan çêbû dikim."

Rûken Uluturka xwendekar jî wiha axivî, "Em beşdarî çalakiya danîna daran bûn. Her darek jiyanek e. Em divê xwedî li xwezaya xwe derkevin."