Li Deşta Sirûcê derxistina kartolan dest pê kir

ŞANLIURFA

Bi saya Projeya Avdana Pompajê ya Deşta Sirûcê ya di çarçoveya Projeya Başûrê Rojhilatê Anadoluyê (GAP) da hat çêkirin li Deşta Sirûcê çandinî geş bû û niha jî derxistina kartolan dest pê kir.

Bi projeya Midûriyeta Giştî ya Karên Avê ya Dewletê ji tunêlên avdanê yên 17 hezar û 185 mêtro dirêj û 7 mêtro fireh in 2 sal e ji bo Deşta Sirûcê av tê pompekirin.

Bi saya derfet û îmkanên avdanê li Deşta Sirûcê gelek tişt tên çandin. Berê cotkaran tenê bi gelemperî genim, ceh û nîsk diajotin, lê niha jî ji ber îmkanên avdanê pembû, kartol, bacanê reş, îsot, firingî, sîr, nane û fasûliyên terr tên ajotin.

Piştî ceribandinan li Deşta Sirûcê qederê 200 donim kartol hat çandin.

Mehmet Murat Yahlîzadeyê Midûrê Xurek, Çandinî û Heywandariyê daxuyanî da nûçegihanê AAyê û got ji sedî 90ê nifûsê Sirûcê cotkariyê dike.

Yahlîzade diyar kir di sala 2017an da li Deşta Sirûcê derfet û îmkanên avdanê çêbûn û bi saya vê jî kartol hatin çandin.

Bîlal Doganê cotkar diyar kir 17 sal in kartol datînin û got berê me li Nevşehir û Sêwasê vî karî dikir.

Dogan destnîşan kir piştî li Deşta Sirûcê derfet û îmkanên avdanê çêbûn li Sirûcê vî karî dikin û wiha got: "Li vir 12 cure kartol hatin ceribandin. Niha qederê 200 donim heye. Em kartolên derdixin dişînin Wan, Erzirom, Entab, Batman û Mêrdînê."