Li Erzirom, Erdexan, Qers û Agiriyê tesîra sir û seqemê dewam dike

Li Erzirom, Erdexan, Qers û Agiriyê bi tesîra sir û seqemê bi baniyên xaniyan va şembelîlkên dirêj daliqiyan, rûyê çem û robaran qerisî.

Li Erziromê bişev germa hewayê 15 pile di binê sifirê da hat pîvan û serma tengasiyê dide kişandin.

Li navçeya Şenkayayê qeşa û qerm çêbû, bi baniyên xaniyan va şembelîlkên dirêj çêbûn. Li navçeyê di sir û seqemê da rûyê çem û robaran qerisî.

- Erdexan

Li Erdexanê jî tesîra sir û sermayê dewam dike.

Li bajêr qerm û qeşa çêbû, bi baniyan va şembelîlk daliqiyan.

Sir û serma li navçeya Goleyê jî bû sedema qerm û qeşayê.

- Qers

Li Sariqamîşa navçeya Qersê bişev germa hewayê 25 pile di binê sifirê da hat pîvan, camê xanî û kargehan qeşa kişand, bixurêkên xaza siruştî qerimîn, bi baniyên avahiyan va şembelîlkên dirêj daliqiyan.

Hin welatiyan jî qût da çûkên ku tesîra sermayê li ser wan çêbû.

- Agirî

Li Agiriyê jî tesîra sir û sermayê dewam dike.

Bişev germa hewayê li bajêr 25 pile di binê sifirê da hat pîvan, rûyê Çemê Mûradê û robaran qerisî.

Camên xanî û kargehan qeşa kişand, welatiyan betanî li wesayîtên xwe wer kirin.

Bi depoya avê ya nava goristanê va şembelîlkên çendîn mêtre dirêj bûn.