Li Marmarayê masîşûrekî 2,5 mêtro dirêj hat girtin

KIRKLARELÎ

Masîşûrê ku li Behra Marmarayê hat girtin, li Luleburgaza navçeya Kirklareliyê li ser dezgeyê masîfiroşekî tê nimayîşkirin.

Masîşûrê ku qedera 2,5 mêtro dirêj û 100 kîlogram giran e, bala welatiyan dikişîne.

Masîfiroş Samî Kuçuk di daxuyaniya xwe ya ku da peyamnêrê AAyê da destnîşan kir ku ev cara ewil e masiyekî evçend mezin li ser dezgeyê xwe dide nimayîşkirin.

Kuçuk diyar kir ku ewê kîloya masî bi 70 lireyî bifiroşe û wiha got, "Ev masîşûr qedera 2,5 mêtro dirêj û 100 kîlogram giran e. Masiyekî wihareng zû zû nayê dîtin. Ji bo ku em pêşkêşî welatiyên xwe bikin, me ev masî kirî û li ser dezgeyê xwe nimayîş kir. Welatî pêşiyê şaş û metel dimînin, paşê ji nêzîk va lê mêze dikin. Eleqeyeke mezin heye, em spasiya hemûyan dikin."

Welatî Yusuf Sandikçi jî got ku ev cara ewil e ku ew ji nêzîk va masîşûrekî dibîne û destê xwe didê.