Li Rihayê dîmenên koça perperokan hatin kişandin

Li Xelfetiya navçeya Rihayê bi hatina biharê ra dîmenên koça perperokan hatin kişandin.

Li Herêma Başûrê Rojhilatê Anadoluyê di van rojên dawîn da koça perperokan a gelekî mezin heye.

Perperokên ku ji sînorê Sûriyeyê gihaştin navçeya Xelfetiyê dîmenên rengîn derxistin holê.

Çavdêr û koleksiyonerê perperokan Nîhat Ozdal daxuyaniyak da rojnamevanan û got ku perperok koçekê gelekî girîng dikin.

Ozdal diyar kir ku bi milyaran perperok bi taybetî ji başûrê Afrîkayê heta cemsera bakur bi pêleke koçê ya mezin hereket dikin û wiha axivî: "Ji ber mercên demsalî koç her sal li cihên gelekî bilind dihat kirin îsal ji ber tesîra şiliyên zêde nêzî erdê çêdibe. Perperok seranserê rêwitiyê zê didin û her perperokê ku ji qepûşka xwe derdikeve ji cihê mayî rêya xwe da diçe. Ev koça ku rasthatina wê zehmet e bi rastî mirov gelekî kelecanî dike."