Li Şirnexê bazê sor û başokek li Çiyayê Cudiyê berdan çolê

Li Şirnexê bazê sor û başok yên tedawiya wan hat temamkirin, berdan çolê.

Çûkên ji hêla welatiyan birîndar hatin dîtin li Navenda Tedawî û Rehabîlîtasyona Heywanên Biyanî ya Zanîngeha Şirnexê hatin dermankirin.

Walî Alî Hamza Pehlîvan bazê sor û başok yên ku hatine dermankirin li Deriyê Cebraîlê ya Çiyayê Cudiyê berda çolê.

Pehlîvan ji rojnamevanan ra daxuyand midûriya şax û herêma Parkên Neteweyî û Parastina Siruştê ji bo parastina heywanan xebatên baş dikin, heywanên birîndar derman dikin.

Pehlîvan anî ziman li herêma Çiyayê Cudî qasî 50 cure nebatên endemîk û gelek cure heywan hene û divê ew bên parastin.

- Ji 3 kesan ra 185 hezar û 818 lîre ceza hatiye birîn

Walî Pehlîvan got 50 xezal li herêmê zêde bûne û îsal jî wan 40 xezal berdane siruştê û wiha dewam kir: "Em her tim dibêjin nêçîra heywanan qedexe ye. Kesên guh nadin qedexeyan tên cezakirin. Ji 3 kesan ra 185 hezar û 818 lîre ceza hat birîn."