Li Wan, Hekarî, Bidlîs û Mûşê berfê rêya 472 cî û waran girt

Li Wan, Hekarî, Bidlîs û Mûşê berf û bagerê rêya 472 cî û waran girt.

Li Wanê duh piştî baranê êvarê berfê dayê.

Li gor daxuyaniya ku ji Şaredariya Bajarê Mezin a Wanê hat dayîn, ji ber rewşa hewayê di çûyîn û hatinê da tengasî çêbû, berf û bagerê rêya 272 cî û waran girt.

Ekîbên berfê yên şaredariyê ji bo vekirina rêyên tax û mezreyan xebat da destpêkirin.

Li ser kolan û rêyên navenda bajêr xebatên paqijkirina berfê tên kirin.

- Hekarî

Li gor agahiya ku ji Îdareya Taybet a Bajêr hat hildan, berf û bagerê rêya 32 gund û 112 mezreyan girt.

Ekîbên berfê ji bo vekirina rêyan xebatên xwe didomîne.

Ekîbên şaredarî û rêbejan jî berfa kolanên sereke û rêyan vedirojin.

- Bidlîs/Mûş

Midûrê Xizmetên Rê û Gîhandinê ya Îdareya Taybet a Bajarê Bidlîsê Umît Kurtkan diyar kir ku berfê rêya 15 gundan girt.

Kurtkan diyar kir, ji bo vekirina rêyan ekîb dixebitin.

Sekreterê Giştî yê Îdareya Taybet a Bajarê Mûşê Şeyhmus Yentur jî diyar kir, berfê rêyên 41 gundên Mûş û navçeyên wê girtin.

Yentur got ku ji bo welatî mexdûr nebin, ew ê di demeke kin da rêyan vekin, ji bo rewşên acil ekîb amade ne.