Rê dibin ber derê mala malbata ku sebiyên wan astengdar in

Îdareya Taybet a Bajarê Hekariyê ji bo malbata ku sebiyên wan astengdar in rê dibe ber derî.

Fettah Olmezê gundparêz e li ser erdê xwe xwe yê ku li ser Seyîtliya mezreya gundê Geçîmliyê ye xanî çêkir. Olmez di sala 1995an da ji ber êrîşên terorê ji Seyîtliyê derketibû û li Wanê bi cî bûbû.

Aycan û Gulşena qîzên Olmez astengdar in û doxtora gotibûn ku bila herdu jî di nav dar û deviyan da û li ciyen hewa paqij e bijîn û ji bo wan çêtir e.

Olmez jî li ser vê pêşniyazê vegeriya goma xwe û li ser erdê xwe ji bo herdu sebiyên xwe yên astengdar bi rihetî bijîn xanî çêkir lê rê tuneye. Ji ber vê kêmasiyê jî Olmez serî li Îdareya Taybet a Bajarê Hekariyê da û daxwaza wî di cî da hat dîtin.

Îdareya Taybet a Bajarê Hekariyê niha ji bo malbata ku herdu sebiyên wan astengdar in rêya bi qasî kîlometreyek dirêj e çêdike.

Malbat wê bi hêsanî bikaribe here mala xwe û hewcadariyên xwe temîn bike.

Olmez daxuyanî da rojnamegeran û got ku ji qîzên wî yek 29 û yek jî 25 salî ne û li ser pêşniyaza doxtoran wan biryar da ku vegerin ser axa xwe lê tedawiya qîzan li Wanê dewam dike: "Min daxwazname da û bersiv erênî hat. Ez û malbata xwe em ê li vê derê bijîn û ez ji hemû kesên di çêkirina vê rê yê da keda wan heye ra spas dikim."