Li dibistanan hefteya hînbûyînê dest pê kir

ANKARA

Di serdema nû ya perwerde û hîndekariyê da ji bo xwendekarên polên pêşdibistan, yekemîn, pêncemîn û nehemîn hefteya hînbûyînê dest pê kir.

Hefteya hînbûyînê ya li dibistanan ku bi destê Wezareta Perwerdeya Neteweyî tê sepandin, ji sala perwerde û hîndekariyê ya 2006-2007an vir va dewam dike da ku xwendekar tirsa xwe ya dibistanê bişikênin û herwiha fêrî pol û dersan bibin û herwiha mamoste û hevalpolên xwe nas bikin.

Di vê çarçoveyê da di hefteya hînbûyînê ya li dibistanan da çalakiyên wekî "hevnasîna zarok-malbat-mamosteyan", "çavnasiya li dibistan û polê", "ligel hevalan leyîstina lîstikan û hevnaskirin" dê bên lidarxistin.

Hefteya hînbûyînê ku îro dest pê kir, dê 14ê îlonê roja înê bi dawî be.