Serokomar Erdogan hat Macaristanê

Serokomarê Tirkiyeyê Recep Tayyîp Erdogan di çarçoveya civîna çaran a Konseya Hevkariya Stratejîk a Payebilind a Tirkiye-Macaristanê da ji bo temasên fermî dayne bi teyareya "TC-TUR"ê va di saet 13.00an da (Li gor saeta Tirkiyeyê) hat Macaristanê.

Serokomar Erdogan hat Balafirgeha Liszt Ferencê li vê derê Levente Magyarê Alîkarê Wezîrê Bazirganiyê û Karên Derva yê Macaristanê, Gabor Kîssê Balyozê Enqereyê yê Macaristanê, Ahmet Akif Oktayê Balyozê Budapeşteyê yê Tirkiyeyê û xebatkarên balyozxaneyê pêşwziya Serokomar Erdogan kirin.

Wezîra Malbat, Xebat û Xizmetên Civakî Zehra Zumrut Selçuk, Wezîrê Karên Derva Mevlut Çavuşoglu, Wezîrê Ragihandin û Binesaziyê Cahît Turhan, Wezîrê Pîşesazî û Teknolojiyê Mustafa Varank, Wezîra Bazirganiyê Ruhsar Pekcan, Wezîrê Çand û Turîzmê Mehmet Nurî Ersoy, Alîkarê Serokê Giştî yê AK Partiyê Cevdet Yilmaz, Serokê Ragihandinê yê Serokomariyê Fahrettîn Altun, Berdevkê Serokomariyê Îbrahim Kalin û Emîne Erdogana Xanima wî jî bi Serokomar Erdogan ra hatin Macaristanê.