Li Rojhilatê Anadoluyê berf barî
Di nîvê biharê da li Erzirom, Qers û Erdexana bajarên Herêma Rojhilatê Anadoluyê berf barî û dîmenên pir xweş derketin meydanê.
Erzurum
ERZURUM
Li Herêma Rojhilatê Anadoluyê di nîvê biharê da berf barî û dîmenên pir xweş derketin meydanê.
Li Sariqamişa navçeya Qersê berfa ku êvarê dest pê kir û car caran barî li navenda bajêr bi qasî 4 pêçiyî erdê spî kir û li Navenda Kaşûnê ya Cibiltepeyê jî bi qasî nîv bihustî berf barî.
Li navenda bajêr banên xanî û avahiyan ji ber berfê spî kir û parkên zarokan jî bi berfê xemilîn, dar, çîçek û deviyên li navçeyê jî di bin berfê da man û dîmenên pir xweş derketin meydanê.
Ji ber berfê çûk û rewil di nav biharê da li ser berfê ji xwe ra li xwarinê geriyan.
Esnaf û şofêrên li navçeyê ji ber barîna berfê şaş û metel man lê ji vê yekê jî gilîdar nebûn.
Ji bilî Sariqamişê li Erzirom û Erdexanê jî hewa ji nişka ve sar bû û bişev berfê dest pê kir.
Deverên bilind ên bajêr bi berfa biharê xemilîn û li navenda Erziromê şofêran berfa ser wesatîyên xwe paqij kirin.
Lê berfa biharê di çûn û hatinê da ji bo welatiyan nebû sedema zehmetiyan.
Li gor daxuyaniya ku Midûriyeta Herêma 12mîn a Meteorolojiyê da li seranserê Herêma Rojhilatê Anadoluyê ji ber zêde ewrayiyê wê şilope hebe.
Germahiya hewayê ya li herêmê jî bi qasî 3-6 pile li gor demsalê kêm e.