Li Rojhilatê Anadoluyê sir û seqem

Li Herêma Rojhilatê Anadoluyê sir û seqem tesîreke neyînî li jiyanê dike.

Li Erziromê sir û seqema ku piştî barîna berfê xwe nîşan da, li kuçe û kolanan bû sedema çêbûna cemedê.

Li navenda bajêr hin şadirwan û boriyên ava qirêj ên malan qerimîn, camên wesayîtan cemed girt.

- Erdexan

Li Erdexanê dar û nebatan qiravî girt, camên kargehan qerisîn. Di encama vê da jî dîmenên cuda derketin.

Li bajêr digel cemedgirtina rê û peyarêyan, kanî jî qerimîn.

- Agirî

Li Agiriyê jî ber hişkiyê rûyê çeman qerimîn.

Şembelûkên bi qasî 5 metreyan ku bi embara avê ya li goristana bajêr daliqîn, dîmenên rengîn derxistin.

Welatiyan jî ji bo ku serma nekin, wesayîtên xwe bi betanî û cilikan nixumandin.

Ji aliyekî din ekîbên şaredariyê li nava bajêr berfê û her wiha cemeda ku dişkênin bar dikin û dibin dervayî bajêr.

- Qers

Li Qersê jî çem û gol qerimîn û her wiha şembelûk bi baniyên avahiyan daliqîn.

Li bajêr ekîbên şaredariyê xebata avêtin û paqijkirina berf û cemedê kirin.

Ji bo ku serma neke, hin kesan wesayîtên xwe bi betanî û cilikan nixumandin.

Li navçeya Sariqamîşê jî ji ber hişkiyê beşeke Çemê Erez qerimî, daran qiravî girt.