ئۆپێک سبەینێ بڕیارەکانی خۆی رادەگەیەنێت

ڤیەننا - AA

کۆنگرەی رۆژنامەوانی پەیوەندیدار بە ١٧٥ەمین کۆبوونەوەی ئاسایی رێکخراوی وڵاتانی ھەناردەکاری نەوت (ئۆپێک)، کە لە شاری ڤیەننای پایتەختی نەمسا بەردەوامە، سبەینێ ئەنجام دەدرێ.

بەپێی ئەو راگەیەندراوەی لە یەکەی راگەیاندنی ئۆپێک بڵاوکراوەتەوە، کۆبوونەوەی وەزیرانی وزە و نەوتی ١٥ وڵاتی ئەندامی ئۆپێک لەسەر نزمبوونەوەی نرخی نەوت لەم چەند ھەفتەی دوایی بەردەوامە بۆیە ئەو راگەیەندراوەی بڕیار بوو ئەمڕۆ بڵاوکراوەتەوە، دواخراو بۆ سبەینێ.

راشگەیەنرا کە لە دوای کۆبوونەوەی سبەینێی ئۆپێک کە تێدا وەزیری وڵاتانی دەرەوەی ئۆپێکیش بەشدار دەبن، بڕیارەکانی ئۆپێک و وڵاتانی دەرەوەی ئۆپێکیش بۆ رای گشتی بڵاودەکرێنەوە.

لە ئەنجامی ئەو کۆبوونەوەیەی کە ئەمڕۆ دەستیپێکردبوو، چاوەڕێی ئەوە دەکرا کە وڵاتانی ئەندام بڕیاری کەمکردنەوەی بەرھەمھێنانی نەوتی رۆژان بدەن.

دواخستنی راگەیاندنی بڕیارەکان، گرنگی کۆبوونەوەی ئۆپێک و وڵاتانی دەرەوەی ئۆپێکی بۆ رای گشتی جیهان، زیاتر دەرخستووە.