لە کەناراوەکانی عومان هێرش كرایه‌ سه‌ر كه‌شتییه‌كی نەوتهەڵگر

لە کەناراوەکانی عومان هێرش كرایه‌ سه‌ر کەشتییەکی نەوتهەڵگر.

ئۆپەراسیۆنە بازرگانیە دەریاییەکانی بەریتانیا (UKMTO)، لە ڕاگەیاندراوێکدا ئاماژەی بەوە كرد لە دووری نزیکەی نۆ میلی دەریایی لە کەناراوەکانی ناوچەی شیسا لە باکووری ڕۆژهەڵاتی عومان، تەنێکی نه‌ناسراو بەر بزوێنەری کەشتیەکی نەوتهەڵگر کەوتووە و، زیان بە بزوێنەرەکە كه‌وتووه‌ و کەشتییەکە لەکارکەوتووە.

لە ڕاگەیاندراوەکەدا باس له‌وه‌ كراوه‌ تەواوی دەستەی کەشتیوانان سەلامەتن و، هیچ پیسبوونێکی ژینگەیی یان دزەکردنی نەوت ڕووینه‌داوه‌.