كۆمیسیۆن: "رێژه‌ی به‌شداریكردن 57.23 له‌سه‌د بووه‌"

هه‌ولێر-AA

پارێزگای دهۆك زۆترین رێژه‌ی به‌شداریكردنی تۆماركردووه‌، پارێزگای سلێمانیش كه‌مترین رێژه‌ی ده‌نگدانی تێدا بووه‌.

گوته‌بێژی كۆمیسیۆنی باڵای سه‌ربه‌خۆی هه‌ڵبژاردن و راپرسی له‌ هه‌رێمی كوردستان شیروان زرار كاتژمێر نزیك به‌ 10ی ئه‌مشه‌و ئه‌نجامی رێژه‌ی ده‌نگدانی له‌ پارێزگاكانی هه‌رێم بۆ هه‌ڵبژاردنی خولی پێنجه‌می په‌رله‌مانی كوردستان راگه‌یاند.
زرار له‌ كۆنگره‌یه‌كی رۆژنامه‌وانییه‌كه‌دا گوتی "پارێزگای هه‌ولێر رێژه‌ی به‌شداریكردن تێیدا 58,58 له‌سه‌د بووه‌، پارێزگای سلێمانی 53,01 له‌سه‌د، پارێزگای دهۆك 61,87 له‌سه‌د بووه‌، پارێزگای هه‌ڵه‌بجه‌ رێژه‌ی به‌شداریكردن تێیدا بریتی بووه‌ بریتی بووه‌ له‌ 60,90 له‌سه‌د، كۆی گشتی 57,23 له‌سه‌د بووه‌.
هه‌روه‌ها سه‌باره‌ت به‌ دواكه‌وتنی راگه‌یاندنی رێژه‌ی به‌شداریكردن له‌ هه‌ڵبژاردنه‌كه‌ی ئه‌مڕۆ 30ی ئه‌یلول گوته‌بێژی كۆمیسیۆن رایگه‌یاند" كۆمه‌ڵێك بنكه‌ ئه‌نجامه‌كانییان دواكه‌وت بۆیه‌ ئێستا راگه‌یه‌نرا، له‌ به‌یانییه‌وه‌ ئه‌نجامه‌كان ده‌كات و له‌ ماوه‌ی 72 كاتژمێردا ئه‌نجامه‌كانی به‌رایی راده‌گه‌یه‌نرێت".

بۆ هه‌ڵبژاردنی خولی پێنجه‌می په‌رله‌مانی كوردستان، زیاتر له‌ 770 كاندید له‌ 29 قه‌واره‌ی سیاسی ركابه‌رایه‌تیی له‌سه‌ر 111 كورسیی په‌رله‌مانی ده‌كه‌ن.