هەوڵی تیرۆرکردنی سەرکۆماری تورکیا ئەردۆغان

موغڵا

دوای ئەوەی کە لە شەوی ١٥ی تەمموزدا چەند کودەتاچیەکی سەر بە رێکخراوی تیرۆریستی فەتحوڵاچی لە شوێنی مانەوەی خۆی لە ئۆتلێکی مەرمەریس هەوڵی تیرۆر کردنی سەرکۆماری تورکیا رەجەب ئەردۆغانیان دا . ئەمڕۆ سێی تر لەو کەسانە دەستگیر کران کە یەکێکیان ئیمامی باڵایە لە فەرماندەیی هێزی ئاسمانی جەنگی دووهەمی چیغلی و ئەفسەرێکیش بەناوی زەکەریا کوزو لەناویاندایە .

ئەو سێ کەسە دوای پشکنینیان، لەرێوشوێنێکی ئەمنی توندوتۆڵدا رەوانەی بەندینخانەی ئەنقەرە کران .

لە ٢٥ ی تەمموزیشدا ژمارەیەکی تر لە بەشداربوانی ئەو هەوڵە شکستخواردووە بۆ تیرۆر کردنی سەرکۆماری تورکیا ، لە نزیک گۆکچە لە سەر رێگای مەرمەریس - موغڵا دەستگیر کرابوون .