ماددەی ١١ی پرۆژە یاسای ھەموارکردنەوەی دەستووری تورکیا پەسەندکرا

ئەنقەرە- AA

ماددەی ١١ی پرۆژە یاسای ھەموارکردنەوەی دەستووری تورکیا کە تایبەتە بە رێکخستنی دووبارە ھەڵبژاردنەوەی پەرلەمان و سەرکۆمار، بە ٣٤١ دەنگی بەڵێ و ١٣٤ دەنگی نەخێر لەپەرلەمانی ئەو وڵاتە پەسەندکرا.

لە دەنگدان بۆ ماددەی ١١ی پرۆژە یاساکەدا ٤٨٣ پەرلەمانتار بەشدارییان کرد.

ئەنجامی دەنگدانە نھێنییەکە بە ٣٤١ دەنگی بەڵێ، ١٣٤ دەنگی نەخێر، ٥ دەنگی بەتاڵ، ٢ دەنگی ھەژمارنەکراو و یەک دەنگی بێلایەن، کۆتاییھات.

بەپێی ماددەی ١١، ٣ لەسەر ٥ی کۆی ئەندامانی پەرلەمان، دەتوانن بڕیاری ئەنجامدانی ھەڵبژاردن بدەن. ھەردوو ھەڵبژاردنی سەرکۆمار و پەرلەمانی پێکەوە ئەنجامدەدرێت.

لەچوارچێوەیەشدا ئەگەر ھات و لە خولی دووەمیدا، پەرلەمان بڕیاری ھەڵبژاردنی دەکرد، ئەوا سەرکۆمار دەتوانێت بۆ خولێکی دیکە خۆی کاندید بکات.

لە دۆخی بڕیاری ئەنجامدانی ھەڵبژاردندا ئەرک و دەسەڵاتەکانی پەرلەمان و سەرکۆمار تاوەکو ھەڵبژاردنی پەرلەمان و سەرکۆماری نوێ بەردەوام دەبێت.

ھەر خولێکی پەرلەمان و سەرۆکایەتی کۆمار ٥ ساڵ دەبێت.

یڕیارە ئەمڕۆ پەرلەمانی تورکیا کاتژمێر ١٤:٠٠ بەمەبەستی تاوتوێکردنی ئەو ماددانەی پرۆژە یاساکە کە ماون، کۆببێتەوە.