بارینی بەفر و سەرما باڵی به‌سه‌ر قەرس و ئەردەخاندا كێشاوه‌

قەرس - AA

لە شاری قەرس کە پلەی گەرما به‌ شەودا دابه‌زیوه‌ بۆ ١١ پلە ژێر سفری سه‌دی، گۆماوەکان بە سەهۆڵ داپۆشران.

کوێستانه‌كان له‌ دوای بارینی به‌فر دیمه‌نێكی جوان و قه‌شه‌نگیان دروست کرد.

لە قەزای ساريكامیش کە سه‌رمایەکی توند باڵی به‌سه‌ردا كێشاوه‌، تیمەکانی شارەوانی کاری ڕاماڵینی بەفر و شکاندنی سەهۆڵیان ئەنجام دا.

لە پارێزگای ئەردەخان ئەو بەفرەی ناوە ناوە لە سەرانسەری شارەکەدا دەباری، هەندێک شوێنی سپی پۆش کرد و لە چەندین شوێنیش شەختە دروست بوو.

له‌و كه‌شوهه‌وا سارده‌دا مراوییە کێوییەکان لەسەر ڕووباری کورا کە ڕووەکەی بە سەهۆڵ داپۆشرابوو، بەدوای خواردندا گەڕان.