به‌دلیس.. وه‌رگه‌ڕانی پاسێك ١٥ برینداری لێ كه‌وته‌وه‌

به‌دلیس – AA

به‌هۆی زوقمگرتن و به‌ستنی رێگاوه‌ پاسێك له‌ به‌دلیس خلیسكا و وه‌رگه‌ڕا و به‌م هۆیه‌وه‌ ١٥ كه‌س بریندار بوون.

پاسێك كه‌ له‌ دیاربه‌كره‌وه‌ به‌ره‌و وان به‌ڕێكه‌وتبوو به‌هۆی زوقمگرتن و به‌ستنی رێگاوه‌ له‌ سه‌ر رێگای به‌دلیس و تاتوان خلیسكا و وه‌رگه‌ڕا.

له‌ رووداوه‌كه‌دا ١٢ سه‌رنشین و دوو شۆفێر و یاریده‌ده‌رێكی شۆفێری پاسه‌كه‌ بریندار بوون.

برینداران گه‌یه‌ندرانه‌ نه‌خۆشخانه‌كانی به‌دلیس و تاتوان.

شۆفێری پاسه‌كه‌ كه‌ له‌نێو پاسه‌كه‌دا گیری خواردبوو له‌لایه‌ن تیمه‌كانی ئافاد و ئاگركوژێنه‌وه‌ هێندرایه‌ ده‌ره‌وه‌.