بەفر بەرزاییەکانی هەکاری سپی پۆش کرد

شەپۆلێکی بەفربارین ڕووی لە ناوچە شاخاوییەکانی هەکاری کرد.

ماوەی دوو ڕۆژە شەپۆلێکی بارانبارین ناوەندی پارێزگای هەکاری گرتووەتەوە و لە بەرزاییەکانیش بەفر دەبارێت.

لە مێرگا بۆتان کە ناوەندێکی خلیسکانێیە و دوو هەزار و ٨٠٠ مەتر لەسەر ئاستی دەریاوە بەرزە، بەفر ناوچەکەی بە تەواوی سپی پۆش کرد.

هاوکات لەگەڵ بەفر و باران، تەمێکی چڕیش بەشێک لە ناوچەکەی داپۆشووە.