توركیا.. پێكدادانی دوو كه‌شتیی لە گەرووی چاناککالە

چاناککالە- AA

لە کەناراوەکانی گەرووی چاناککالە دوو کەشتی پێكیاندا دا.

بەگوێرەی ئەو زانیارییانەی دەست ئاژانسی ئانادۆڵو کەوتوون، کەشتییەکی بارهه‌ڵگر کە گه‌نمی بار كردووه‌ و ئاڵای دورگەکانی مارشاڵی پێوە بووە و لە رووسیاوە بەرەو میسر کەوتووەتەڕێ، خۆی کێشاوە بە کەشتییەکی دیكه‌دا كه‌ فۆسفاتی بار كردووه‌ و بەهەمان شێوە ئاڵای دورگەکانی مارشاڵی پێوەبووە و لە مەغریبەوە بەرە شاری سامسونی تورکیا بەڕێکەوتووە.

دوای رووداوەکەش کاپتنی کەشتییەکان، بەڕێوبەرایەتی خزمەتگوزاریی هاتوچۆی کەشتییەکانی گەرووی چاناککالەیان لە رەوشەکە ئاگادار کردووەتەوە.

بەگوێرەی ئامارە سەرەتاییەکان رووداوەکە هیچ زیانێکی گیانی لێ نەکەوتووەتەوە و لە ئێستادا لایەنە پەیوەندیدارەکان لێکۆڵینەوە لە پیسبوون یان پیسنەبوونی ئاوی دەریاکە دەکەن و زەرەر و زیانی کەشتییەکان دیاری دەکەن.