تەم باڵی بەسەر چیاکانی ئاراسدا کێشاوە

ئیغدر - AA

چیاکانی ئاراس لە ڕۆژهەڵاتی تورکیا، کەوتوونەتە ژێر کاریگەری تەمی چڕ، ئەوەیش دیمەنێکی جوان و سەرنجڕاکێشی دروستکردووە.

ئەم چیایانە کە سنوورەکانی ئیغدر و ئاگری پێکدەهێنن و تا ئەرزەڕوم درێژ دەبنەوە، لە هەموو وەرزێکدا جوانی جیاوازیان هەیە.

ئەم چیایانە کە میوانداری ژمارەیەکی زۆر سروشت دۆست و وەرزشوان دەکەن، بەتایبەتی لەم وەرزەدا بە دیمەنەکانی بەفر و تەم بوونەتە جێی سەرنجی هاووڵاتیان.

دیمەنی چیاکانی ئاراس کە زیاد لە دوو هەزار و ٥٠٠ مەتر لە ئاست ڕووی دەریاوە بەرزن، لەلایەن تیمی ئاژانسی ئانادۆڵووەوە وێنەیان گیرا.