حه‌وت تۆمه‌تباری TKP/ML له‌ ئیستانبوڵ ده‌ستگیركران

ئیستانبوڵ – AA

له‌ میانی هه‌ڵمه‌تێكی هاوكاتدا حه‌وت كه‌س به‌تۆمه‌تی ئه‌ندامبوون له‌ رێكخراوی تیرۆریستیی پارتی کۆمۆنیستی تورکیا-مارکسی/لینینی (TKP/ML) له‌ ئیستانبوڵ ده‌ستگیركران.

تیمه‌كانی دژه‌تیرۆر سەربە ئاسایشی ئیستانبوڵ هه‌ڵمه‌تێكی هاوكاتیان بۆسه‌ر هه‌شت كه‌س له‌ شه‌ش ناوچه‌ی ئیستانبوڵ ئه‌نجامدا كه‌ ده‌ركه‌وتووه‌ به‌ ناوی رێكخراوی تیرۆریستیی پارتی کۆمۆنیستی تورکیا-مارکسی/لینینی (TKP/ML) چالاكییان ئه‌نجامداوه‌ و هه‌وڵی ئه‌نجامدانی كرده‌ی جیاوازییان داوه‌.

له‌ میانی هه‌ڵمه‌ته‌كه‌دا، حه‌وت تۆمه‌تبار ده‌ستگیركران.

دوای گه‌ڕان و پشكنینی ناونیشانه‌كانیش، ژماره‌یه‌ك به‌ڵگه‌نامه‌ی رێكخراوه‌یی و ئامێری دیجیتاڵی دەستی بەسەردا گیرا.

راییكردنی كاروباری تۆمه‌تباره‌ ده‌ستگیركراوه‌كان له‌ ئاسایش به‌رده‌وامه‌ و هه‌وڵه‌كانیش به‌رده‌وامن بۆ ده‌ستگیركردنی تۆمه‌تباره‌ هەڵاتووەکە.