سەردانی وەزیری ناوخۆی تورکیا بۆ پارێزگای شرنەخ

شرنەخ - AA

وەزیری ناوخۆی تورکیا، سولەیمان سۆیلو سەردانی شاری شرنەخ-ی کرد.

سۆیلو، ئێوارەی دوێنێ سەردانی خیزانی ئەو منداڵە تەمەن حەوت ساڵانەی کرد کە لە شارۆچکەی ئیدیل-ی سەر بە پارێزگای شرنەخ بەهۆی لێدانی ئۆتۆمبێلێکی زرێپۆشەوە، گیانی لەدەستدابوو.

شەوی رابردووش گەیشتە شاری شرنەخ و بەیانی ئەمڕۆش لەگەڵ فەرماندەیی لیوای کۆماندۆی جەندرمەی چاکرسۆغوت، نانی بەیانی خوارد.

وەزیری ناوخۆ، دواتر بە کۆپتەر سەردانی یەکەی پاراستنی سنووری کرد و لە نزیکەوە چاوی کەوت بە رەوشی ئەمنی ناوچە سنوورییەکان.

سۆیلو، لە دوای شرنەخ بە کۆپتەر چووە شاری هەکاری و لەلایەن پاریزگاری شارەکە، عەلی حەمزە پەهلیڤان و ژمارەیەک بەرپرسی حیزبی و حکوومی شارەکەوە پێشوازی لێکرا.