"فڕۆکەکانی سوپای تورکیا ئاسمانی عەفرین بەکار دەھێنن"

ئەنقەرە - AA

گوتەبێژی حکوومەت و جێگری سەرۆکوەزیرانی تورکیا بەکر بۆزداغ گوتی: "ھێزە چەکدارییەکانی سوپای تورکیا بە شێوەیەکی کاریگەری ئاسمانی عەفرین بەکار دەھێنێت و بەردوامیشە لە بەکارھینانی. لە ئێستادا بابەتی بەکارھێنانی ئاسمانی عەفرین جێگای باس نییە ".
لە کاتی بەردەوامبوونی کۆبوونەوەی ئەنجوومەنی وەزیرانی تورکیا، جێگری سەرۆکوەزیران و گوتەبێژی حکوومەتی تورکیا، بەکر بۆزداغ لێدوانی پێشکەش بە رۆژنامەنووسان کرد و گوتی: "لە ھەر شوێنێکی سووریا ببینین کە چەک و تەقەمەنی رەوانەی عەفرین دەکرێت تورکیا بە ئامانجی دەگرێت. کاتێک ئەمانە دەبینین دەیپێکین و لەناوی دەبەین .. سێیەم گرێمانمان نییە .

بەکر بۆزداغ لەبارەی بەکارھێنانی ئاسمانی عەفرین گوتی: "ھێزە چەکدارییەکانی سوپای تورکیا بە شێوەیەکی کاریگەری ئاسمانی عەفرین بەکار دەھێنێت و بەردوامیشە لە بەکارھینانی. لە ئێستادا بابەتی بەکارھێنانی ئاسمانی عەفرین جێگای باس نییە ".


بۆزداغ لەبارەی کشاندنەوەی باڵیۆزی ھۆڵەندا لە ئەنقەرە گوتی:" ھەرخۆی ماوەی ساڵێکە ھۆڵەندا باڵیۆزی نەبوو لە ئەنقەرە ، ئەوان بە فەرمی گوتیان کەوا باڵیۆزمان دەکشێنینەوە کە نەیانبوو. ئەوە شتێکی نوێ نیە. لەگەڵ ئەمەش پەیوەندییە دیپلۆماسییەکانی تورکیا و ھۆڵەندا بەکۆتا نەھاتووە".

بەکر بۆزداغ گوتیشی: "لە سەرتاسەری شاری کلیس، قەرزی باجەکانی پێش ٣١ی کانوونی یەکەمی ٢٠١٧ تا ٣١ی کانوونی یکەمی ٢٠١٨ دواخراوە".

جێگری سەرۆکوەزیران و گوتەبێژی حکوومەتی تورکیا، بەکر بۆزداغ لەبارەی پاکێجی چاکسازی لە بواری دارایی گوتی: "وەزیری دارایی پاکێجێکی چاکسازی لەبارەی گۆڕانکارییەکانی وەرگرتنی باج پێشکەش بە ئەنجوومەنی وەزیران کردووە. ئەم پاکێجە رێککاری زۆر گرنگی تێدایە لەسەر جوڵاندنەوەی بازاڕ".