لیبیا.. چوار وەزیر دەستیان لەکار کێشایەوە

چوار وەزیری حکوومەتی ئاشتەوایی نیشتمانیی لە لیبیا، دەستیان لەکار کێشایەوە.

لە روونکردنەوەیەکی نووسراودا کە لەلایەن نووسینگەی سەرۆکایەتی حکوومەتی ئاشتەوایی نیشتمانیی لە لیبیا بڵاو کراوەتەوە، ئاماژە بەوە کراوە چوار وەزیری حکوومەتەکە دەستیان لەکار کێشاوەتەوە بێ ئەوەی ئاماژە بە هۆکای وازهێنانەکەیان بدرێت.

ئەو وەزیرانەشی کە دەستیان لەکار کێشاوەتەوە بریتین لە هەریەک لە وەزیری داد جومعە عەبدوڵڵا دەرسی، وەزیری دارایی فاخیر میفتاح ئەبو فەرنە، وەزیری ئابووری و پیشەسازیی عەبدولمەتڵوب ئەحمەد بوفەرڤە و وەزیری کاروباری ئاشتەوایی لۆکاڵی عەبدولجەواد فەرەج عوبێدی.