لە دایکبوونی منداڵ لە چرکەساتی یەکەمی ساڵی نوێ لە دیاربەکر

دیاربەکر - AA

دوو خانمی دایک بە ناوەکانی فاتمە شیمشەک و یاسەمین پەتەک لە نەخۆشخانەی فێرکاریی غازی یاشارگیل لە دیاربەکر لە چرکەساتەکانی سەرەتای ساڵی نوێدا، دوو کچیان هێنایە دونیا و ناوی ''نیسا'' و ''زەینەب''یان لێنان.

فاتمە شیمشەک بۆ رۆژنامەنووسان، باسی لەوە کرد کە منداڵێکی سەلامەتی هێناوەتە دونیا و دڵخۆشە کە یەکەم منداڵی لەئامێز دەگرێت.

شیمشەک هیوای خواست ساڵی نوێ ببێتە مایەی خێر و گوتی: ''دڵخۆشم. خوا بیکاتە نسیبی هەمووان. هیوادارم ساڵی نوێ تەندروست باشی، ئارامی و دڵخۆشی بهێنێت. خوا منداڵ بە هەرکەسێک ببەخشێت کە دەیخوازێت''.

جێگری پارێزگاری دیاربەکر، سەلیم چۆماکلی لە نەخۆشخانە سەردانی ئەو دایکانەی کرد کە لە ساتی سەرەتای ساڵی نوێدا منداڵیان بووە و چارەکە لیرەی زێڕی پێشکەش کردن.

سەلیم چۆماکلی هیوای خواست ساڵی نوێ بە تەندروستی، دڵخۆشی و ئارامی لە دیاربەکر تێپەڕێت.