پێویستە دەستبەجێ یەپەگە لە ئەعزاز و دەورووبەری دووركەوێتەوە

سه‌رۆکوه‌زیرانی تورکیا ئه‌حمه‌د داودئۆغڵو: ''دوێنێ و ئه‌مڕۆ هه‌مان هێزه‌ پیلانگێڕه‌کان، ئه‌و رێکخراوه‌ تیرۆریستییه‌ی که‌ درێژکراوه‌ی رژێمی سووریایه‌، ئه‌و رێکخراوه‌ تیرۆریستییه‌ی که‌ هاریکاریی بۆردومانی هاووڵاتییانی سڤیل له‌لایه‌ن رووسیاوه‌ ده‌کات، هێرشی کرده‌سه‌ر ئه‌عزاز. هه‌ڵوێستی ئێمه‌ سه‌باره‌ت به‌م بابه‌تانه‌ روونه‌. له‌کاتی ئه‌نجامدانی ئه‌م هێرشانه‌دا، ده‌ستدرێژیی کرایه‌سه‌ر سنووره‌کانی ئێمه‌ش. دۆخێک هاته‌ئاراوه‌ که‌ پێویست بوو کار به‌ یاساکانی پێکدادان و به‌ره‌نگاریی بکه‌ین. ئه‌مڕۆ له‌ چوارچێوه‌ی یاساکانی پێکدادان و به‌ره‌نگاریدا وه‌ڵامی ئه‌و هێزانه‌ی که‌ له‌ ده‌وروبه‌ری ئه‌عزاز مایه‌ی هه‌ڕه‌شه‌ بوون، دراوه‌ته‌وه‌''. ''ده‌بێت یه‌په‌گه‌ ده‌ستبه‌جێ له‌ ئه‌عزاز و ده‌وروبه‌ری دوور که‌وێته‌وه‌. ته‌نانه‌ت نابێت له‌ ئه‌عزاز نزیک بێته‌وه‌. نابێت جارێکی دیکه‌ هه‌وڵی درووستکردنی رێڕه‌و بدات. ناکرێت شوێن ئاره‌زووی ئه‌وه‌ بکه‌وێت که‌ فڕۆکه‌خانه‌ی مینیغ له‌ دژی تورکیا و ئوپۆزسیۆن به‌کار بهێنێت. ده‌بێت ئه‌و فڕۆکه‌خانه‌ش چۆڵ بکرێت. هه‌موو ئه‌مانه‌م به‌ به‌ڕێز بایدن گوت''. جێگری سەرۆکی ئەمریکا جۆ بایدن داوای دیدارێکی کرد. کۆبووینەوە و من تەواوی ئەمانەم ئاراستەی جەنابیان کرد. بەشێوەیەکی روون و ئاشکرا پێمڕاگەیاند کە پەیەدە و یەپەگە باڵی پەکەکەن و هەڕەشەیەکی ئاشکران لەسەر تورکیا. گوتم کە ئێمە رێوشوێنی پێویست لەم مەسەلەیەدا دەگرینەبەر".