پەیوەندی تەلەفۆنی چاوشئۆغڵو لەگەڵ ھاوتا بولگارییەکەی

ئەنقەرە - AA

وەزیری دەرەوەی تورکیا مەولود چاوشئۆغڵو پەیوەندییەکی تەلەفۆنی لەگەڵ وەزیری دەرەوەی بولگاریا رادی نایدینۆڤ ئەنجامدا.

بەپێی زانیاری سەرچاوە دیپلۆماسییەکان، لە پەیوەندییەکەدا چاوشئۆغڵو و نایدینۆڤ جەختیان لەسەر بەھێزکردنی پەیوەندییەکانی نێوان ھەردوو وڵات کردەوە.

ھەر لە پەیوەندییەکەدا چاوشئۆغڵو باسی لە رێگریکردن لەو ھاووڵاتییە بولگارییانە کرد کە بە پاسەوە لە تورکیاوە بۆ بولگاریا دەچن و بەھۆی خۆپێشاندانی سنووری نێوان ھەردوو وڵات رێگریان لێدەکرێت.

وەزیری دەرەوەی تورکیا رایگەیاند لە پێناو دووبارە نەبوونەوەی ئەو جۆرە رووداوانە، داوای لە بەرپرسانی بولگاریا کرد رێوشوێنی پێویست لەوبارەیەوە بگرنەبەر.